Општина Куманово објави повик за Ноемвриска награда

(Од доделување на наградата во 2022 година на свечената седница во Центарот за култура во Куманово (Фото:Кумановоњуз)

Наградата се доделува на истакнати поединци, претпријатија, организации, здруженија и заедници, кои имаат постигнати посебни резултати во работењето и делувањето во области на стопанството и вонстопанските дејности, во текот на едногодишен и повеќегодишен период. Само поединечните награди се парични.

„По повод 11 Ноември - Денот на ослободување на Куманово и оваа година ќе ја додели традиционалата Ноемвриска награда, како израз на највисоко општинско признание шетосе доделува за осебни достигнувања во одредена област. Делото и достигнувањата на авторот и организацијата да се за Куманово. Право на предлагање на кандидати имаат претпријатија, установи, здруженија, месни заедници, група гаѓани и поединци“, стои во соопштението. 

Предлозите со образложение во писмена форма се доставуваат до Комисијата за одбележување на празници и манифестации и доделување на награди и признанија во Општина Куманово. Рокот за пријавување трае до 31 октомври. 

Наградите ќе бидат врачени на свечената седница на 11 Ноември.