Новогодишни пакетчиња за дечињата во Кумановската болница

На Детското одделени во Општа Болница Куманово беа поделени пакетчиња на најмалите пациенти. Ова е традиционален начин на кој Општина Куманово ги развеселува најмалите во претпразничниот период.

„Традиционално во нашата болница во Куманово на детското одделение, заедно со Дедо Мраз поделивме пакетчиња на децата кои денес се тука на одделението. Здравјето е наша примарна задача, приоритет за сите нас и мораме да се грижиме за здравјето на сите граѓани“, изјави градоначалникот Максим Димитриевски.

Во обраќањето градоначалникот се заблагодари на директорот на болницата д-р Стефан Трајановски, на медицинскиот и помошно- медицинскиот персонал за целиот ангажман кој го вложиле во тековната 2024 година.