Зачленете се во нашиот клуб на читатели и најновите текстови ќе ги добивате на вашата мејл адреса
Дваесетина деца без родители и родителска грижа, сместени во згрижувачки семејства, како и деца под старателство на свои блиски роднини, денеска добија пакетчиња од градоначалникот на Општина Куманово, Максим Димитриевски.
„Традиционално и оваа година, во пресрет на Новата година заедно со децата без родители и со членовите на згрижувачките семејства, им посакуваме убави празници на сите граѓани, да уживаат и да се радуваат со своето семејство и да ги искористат моментите за убави нешта. Згрижувачките семејства ги сметаме за една од најхуманите групи во нашата заедница и ја користам оваа прилика да ви се заблагодарам лично на сите за се што правите за нашите и вашите штитеници,“- рече градоначалникот Димитриевски.
Дедо Мраз ќе врачи пакетчињата и на децата кои во моментот се сместени на Детското одделение при ЈЗУ Општа болница Куманово.