„Панче Пешев“ ќе настапи на фестивал во Истибања

Кумановските играорци ревијално ќе се претстават со игри и песни од кумановскиот крај.

Го претставуваме нашиот крај и ќе се претставиме со сплет на игри и песни од Куманово, со нашата оригинална кумановска носија. Почнуваме со работа од 14 септември, со состаноци, а малите групи ќе почнат оваа недела и ќе се подготвуваме за фестивалот. Пред Нова година и потоа ќе бидеме исклучиво сконцентрирани на одбележување на 90 години јубилеј на “Панче Пешев“, кој ќе се одбележи догодина - вели Мирослав Крстевски, уметнички раководител и претседател на „Панче Пешев“.

На фестивалот во Истибања ќе настапат ансамбли од земјава и странство.