„Перо Наков“ прослави 70 години постоење

По повод патрониот празник повеќе делегации положија цвеќе пред бистата на херојот во дворот, а потоа ја проследија богатата културно-уметничка програма. Учениците подготвија театарска претстава, модна ревија  и модерен танц.

Ќе бидат доделени благодарници на најуспешните ученици кои што во повеќе области се натпреваруваа. Сакам да нагласам дека приредбата заеднички ја подготвуваа колегите од албанските паралелки и колегите од македонските паралелки. Исто така учествуваат ученици од двата етникума. Имаме гости од збратименото Економско училиште од Ниш, Република Србија. Тие пристигнаа вчера попладне и ќе бидат тука до сабота. Секоја година доаѓаат што ни е особено драго. Сместени се кај наши ученици“-изјави директорката Лидија Тасевска.

Гостите од Ниш кажаа дека со “Перо Наков“ соработуваат веќе 8 години. Дојдени се 9 професори и 10 ученици во посета на “Перо Наков“.

Се разменуваат искуства за спорт, наставни планови, така да ова е една севкупна соработка што се однесува до школите. Се планира професорите и учениците од Куманово да дојдат на 23 мај кога е нашиот Ден на училиште. Исто ќе бидат три дена кај нас, кај нашите ученици и ќе биде тоа едно убаво дружење - рече Милица Стевановиќ, педагог во Економското училиште во Ниш.

За патрониот празник синоќа во „Перо Наков“ бендови и солисти од самото училиште направија журка.