Зачленете се во нашиот клуб на читатели и најновите текстови ќе ги добивате на вашата мејл адреса
Денеска се навршуваат пет година од воружената пресметка во кумановската населба „Тоде Менол“ или позната меѓу граѓаните како „Диво насеље“.
На 9 мај 2015 година македонските безбедносни сили се судрија со вооружена група од Косово. Борбите траеа два дена, а животот го загубија осум полицајци, додека 42 беа повредени.
Во престрелките загинаа полицајците: Љубиша Аранѓеловиќ, Бобан Ивановиќ, Горан Илијевски, Жарко Кузмановски, Исамедин Османи, Сашо Самојловски, Ненад Серафимовски и Горан Стојменовиќ.
Во дводневните борби убиени се 10 припадници на косовската група, а 29 беа уапсени и им се суди за тероризам.
Во населбата беа уништени 60-тина куќи во две улици, каде се криеја терористите.
Граѓаните на Куманово преживеаа два пеколни и неизвесни дена додека траеа борбите, но не подлегнаа на провокациите и го сочуваа соживотот во градот.
Овој настан го обележа Куманово како несигурно место за живеење, иако неколку години пред тоа беше прогласен за град на мирот на Балканот.
Зачленете се во нашиот клуб на читатели и најновите текстови ќе ги добивате на вашата мејл адреса
