Петнаесетина кумановци повредени на снег и лед

Од хируршкото одделение во Општа болница Куманово велат дека се работи за 8 машки и 7 женски лица, три деца и повозрасни граѓани. Од вкупниот број повредени од паѓање на снег, 3 имаат скршена нога, 5 скршеници на рака, 1 со скршено ребро, а останатите се со набиеници по телото.

„Една жена со скршен колк е пратена на лекување во Скопје, а другите се санирани кај нас и пуштени на домашно лекување.Првиот снег и ниските температури допринесоа да се зголеми бројот на пациенти, така што овие неколку дена од старата и од новата година имаме зголемен број на повреди на екстремитети,“- велат од хирургија.

Лекарите апелираат до граѓаните да бидат внимателни кога се движат по замрзнати улици и тротоари во утринските и вечерните часови, да одат по посигурни подлоги, да не излегуваат од дома често доколку не имаат некоја итна потреба, а на децата им порача да бидат попретпазливи во игрите на снег.