×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • По 2000 евра казна за кумановците кои не седеа во самоизолација

    19.03.2020 15:18 | KumanovoNews

    Основното јавно обвинителство Куманово поднесе предлози за издавање казнени налози на две лица од Куманово, кои се товари дека сторило кривично дело – Непостапување според здравствените прописи за време на епидемија од член 206 став 1 од Кривичниот законик.

    По 2000 евра казна за кумановците кои не седеа во самоизолација

    Казната е по 2000 евра или по 100 дневни глоби.

    Во првиот случај, Н.К.(50) на 16 март влегол во државата од Република Австрија, како ризична земја во однос на ширењето на епидемијата и прифатил самоизолацијата да ја извршува во неговиот дом во Куманово, но при контрола на 17 март од страна на службени лица од СВР Куманово обвинетиот не бил затекнат во домот.

    - Со ова тој не постапил по донесените прописи за време на пандемија-епидемија од глобални размери со кои се определени мерки за сузбивање или спречување на епидемијата на заразната болест предизвикана од коронавирус -COVID 19. Јавен обвинител од Основното јавно обвинителство Куманово го поднесе предлогот за издавање казнен налог, со кој на Основниот суд Куманово му предложи на обвинетиот да му изрече 100 дневни глоби, при што вредноста на една дневна глоба да се определи во висина од по 20 евра во денарска противвредност. Судот ваквиот предлог го прифати и на обвинетото лице му ја изрече глобата во вкупен износ од 2.000 евра во денарска противвредност, - соопштуваа од Обвинителството.

     Во вториот случај станува збор за Н.Т.(39) , кој влегол во државата на 15 март од Република Италија, и требало да биде во самоизолација во неговиот дом во Куманово, но не ја почитувал мерката.

    - Основното јавно обвинителство Куманово со предлогот за издавање казнен налог на Основниот суд Куманово му предложи на обвинетиот да му изрече 100 дневни глоби, при што вредноста на една дневна глоба да се определи во висина од по 20 евра во денарска противвредност, - наведуваат од Обвинителството.