Зачленете се во нашиот клуб на читатели и најновите текстови ќе ги добивате на вашата мејл адреса
Во изминатите 3 години покажавме што значи грижа за земјоделството. Субвенциите ги зголемивме, а исплатата се одвива навремено и неселективно. За овие 3 години, овозможивме директна и индиректна поддршка во земјоделството во историски рекорден износ од над 430 милиони евра, - изјави Лидија Тасевска, кандидат за пратеник на СДСМ во Втората изборна единица, на денешната прес-конференција.
Таа потсети дека оваа Влада ја воведе зелената нафта, со што 200 милиони денари завршија кај 55.000 земјоделци, а поддршкатата за млад земјоделец ја зголемивме од 10.000 евра на 20.000 евра. Најави уште поголема грижа во следните 4 години ако ја добијат поддршката на граѓаните.
„До 2024 година, обезбедуваме целосно бесплатна 100 отсто субвенционирана „зелена“ нафта за сите земјоделци и двојно повеќе пари за поврат на персоналниот данок за земјоделците. Градиме и 3 нови откупно дистрибутивни пунктови во Ресен, Скопје и Струмица, за сигурен пласман и поконкурентно производство. Поддршката кон младите земјоделци, кон жените земјоделки продолжува. Се укина евидентниот лист, со што се подобри и поедностави пријавувањето на произведениот тутун. Полесно се аплицира за новите повисоки субвенции“, додаде Тасевска.
Таа порача дека земјоделството е особено важно во време на глобална криза, затоа треба да се создаде модерно, одржливо и иновативно земјоделство.
„ВМРО-ДПМНЕ секогаш ги манипулира земјоделците и го гази нивниот труд. СДСМ покажа како навистина се води грижа и се вреднува трудот“, рече на крај Тасевска.
Зачленете се во нашиот клуб на читатели и најновите текстови ќе ги добивате на вашата мејл адреса
