Полицијата вмешана во транспортот на азиланти

 Министерството за внатрешни работи се сомнева дека вработени во Кумановската полиција стојат зад транспортот зад азилантите во Белгија и дека тие издавале пасоши „под рака„ за што земале од 500 до 1000 евра по човек- објавува  весникот „Време„.

 Полицијата веќе почнала да го испитува случајот во соработка со српската полиција откако  утврдила дека истите луѓе се вклучени во превозот на азилантите од регионот на Јужна Србија и Косово.

 За полицијата било симптоматично и тоа што покрај построгата контрола  врз туристичките агенции од кумановскиот регион, бројот на луѓето што патувале во Брисел постојано се зголемувал, а растел и бројот на издадени пасоши. Но и покрај полициската акција и многуте апели од земјава и странство, патувањата од Липково продолжиле.