Поставена новогодишната елка на Градскиот плоштад

Се работи за истата елка од лани која е обновена и за неа се набавени нови лед диоди.

 Оваа година поставувањето на елката доцни од безбедносни причини. Апелирам до граѓаните да не ги оштетуваат украсите. Елката од лани беше 80 отсто оштетена. Планираме на плоштадот таа да остане до 20 јануари. Украсувањето е исто како минатата година, нема поголеми промени. Украсени се крстосниците , централното градско подрачје - вели Маја Антевска Додевска, помошник директор во “Куманово - паркинг“.

Граѓаните велат дека декорирањето на градот придонесува за поубава празнична атмосфера и еуфорија, но сметаат дека Куманово е сиромашно украсено во однос на Скопје.

Убаво е што се поставува елка, на некој начин да се означи дека е Нова година. За младите украсувањето е поинтересно. Имам мала забелешка што другиот дел кај Центарот за култура не е подеднакво украсен, но сепак е добро, убаво изгледа - рече Радмила Живкова од Куманово.

Украсени се канделабрите, дрвцата на плоштадот кои ноќе светат во различни бои.