Зачленете се во нашиот клуб на читатели и најновите текстови ќе ги добивате на вашата мејл адреса
Градоначалникот на Куманово Зоран Дамјановски, наредниот месец во Париз ќе прими награда за развој на културата во Југо-Источна Европа.
Од Фестивалот “SEE a Paris”, ќе му врачат повелба за посебни заслуги и допринос за балканската културна ренесанса, на церемонијата на свеченото отворање во културниот центар L'Entrepôt во Париз на 11 и 12 мај.
Вашиот град Куманово, како исклучителен духовен простор кој што со Вашата личност како Градоначалник зрачи со посебна енергија во сите овие години, во кои Вие ги вложувате Вашите несебични напори, токму за презентацијата на она што е највисок дострел во културните зближувања- пишува во известувањето испратено до градоначалникот.
На Фестивалот на кинематографиите од Југо-Источна Европа, кој по втор пат се одржува во Париз, ќе се презентира македонското фолклорно наследство и кумановската мелоритмика, како и антологија на музичките вредности на целиот регион на ЈИЕ. Ќе настапат Нино Величковски и Кумановските тамбураши.
Фестивалот има за цел да ги воспостави разрушените мостови меѓу земјите на Југо-Источна Европа и да ги обедини културите на сите народи од овој дел на Европа.
Зачленете се во нашиот клуб на читатели и најновите текстови ќе ги добивате на вашата мејл адреса
