Повредена жена на „Лесковачка“, возачот побегнал

Според информациите од СВР Куманово, сообраќајната незгода се случила околу 12 часот, кога возило „пежо“, со кумановски регистарски ознаки, удрило во 79-годишната В.Д. од Куманово, по што возачот го напуштил местото на несреќата.

Повредената жена била пренесена во Општата болница Куманово, каде што ѝ биле констатирани тешки телесни повреди.

Екипа на СВР Куманово извршила увид на местото на несреќата. Полицијата презема мерки за пронаоѓање на возачот и возилото, како и за целосно расчистување на случајот.