500x100-1
19. 10. 2019 09:46

Признание за Општина Куманово за креативeн развој на претприемништвото

Признание за Општина Куманово за креативeн развој на претприемништвото

Општина Куманово доби признание од организацијата “Глобал локал”, од Хрватска, за особени залагања преку креативни идеи и решенија до одржлив развој на претприемништво во Средна и Југоисточна Европа, во категоријата најдобри локални заедници во 2019 година..

Наградата секоја година се доделува на локални и регионални заедници, како и јавни институции, кои во денешното динамично секојдневие, преку оригинални решенија и креативните идеи, значајно допринесуваат за одржлив развој на претприемништвото, како основа за развој на заедницата и човекот, како и за севкупен економски и општествен развој.

Свеченоста на доделувањето на наградите и признанијата  „Глобал локал“ се одржа на Светскиот конгрес на претприемачи, во Скопје, кој е под покровителство на Владата на Македонија. Наградата ја прими градоначалникот Максим Димитриевски.

„Сакам да ве потикнам сите локални лидери да размислувате локално, а да се доживувате глобално, следејќи ги светските трендови на патот на успехот, бидејќи само ако сме заедно можеме да успееме на патот на развој на нашите заедници и нашите држави“, - изјави Димитриевски.

Награди добија и општините Свети Николе, Македонска Каменица,  Илинден и др.

Признание за Општина Куманово за креативeн развој на претприемништвото