Продолжува бојкотот на наставата-средношколците потпишуваат петиција

Средношколците утринава почнаа со потпишување петиција за исполнување на нивните барања, информираат од Средношколскиот пленум.

Тие бараат поддршка од граѓаните за укинување на лошите реформи во образованието и да не се полага математика на државна матура.

“Пред сите средни училишта се поставени штандови, каде граѓаните можат да се потпишуваат и да дадат поддршка на нашата иницијатива. Има одзив кај граѓаните. Никаква информација немаме од МОН, ниту потврдна ниту негативна за нашето барање да не повикаат на разговор“ - велат од Средношколскиот пленум.

Средношколците најавија дека и наредните денови ќе продолжат со истите активности, за да го искажат револтот од игнорантскиот однос на институциите.