Зачленете се во нашиот клуб на читатели и најновите текстови ќе ги добивате на вашата мејл адреса
Екипите задолжени за зимско одржување на улиците и патиштата во општина Куманово и денеска продолжија со чистење на снегот од сообраќајниците.
Според помошник раководителот на Секторот за комунални дејности Момчило Јовановски, во моментот на терен се 4 машини кои работат на расчистување на улиците од прва и втора категорија во градското подрачје, но се работи и во приградските населби, како и по налог по пријава од граѓаните.
„Се работи на улиците Титова Митровачка, Васко Карангелевски, Теофил Економов, ул.210 во населбата Карпош, пристапот до сите сите основни и средни училишта, потоа патиштата кон селата Проевце, Пчиња, Студена Бара, Сопот, Агино село, Брзак и др. Распраскани се над 7 тони течност против замрзнување и поголема количина на сол“, - изјави Јовановски за Кумановоњуз.
Тој е задоволен од диманимакта на чистењето на снегот од улиците, со оглед на ниските температури кои не дозволуваат негово топење од фрлената сол и средството против мрзнење.
(С.Н.)