Проект за помош на жртвите од семејно насилство

02.06.2010 16:22 | KumanovoNews

 Женскиот центар од Куманово започна со реализација на втората фаза од проектот за помош на жртвите од семејно насилство. Целта на проект е да се намали семејното насилство во општините од североисточниот регион Куманово, Старо Нагоричане, Липково, Кратово, Ранковце и Крива Паланка.

Проект за помош на жртвите од семејно насилство

 Денеска се одржа првиот состанок со претставниците од локалниот совет за превенција од Општина Куманово кои се вклучени во проектот за да се дадат насоки за нивното делување.

Задачите на овој совет за превенција е организирано дејствување и соработка помеѓу полицијата, здравствените и социјалните служби и судскиот систем со цел да се организираат кординирани и континуирани акции за унапредување и заштита на жртвите од семејно насилство. Преку самата координација на претставниците од институциите се очекува намалување на негативниот тренд и семејното насилство во општините опфатени во проектот-вели координаторката Виолета Петровска.

 Според статистиката на Центарот за социјални работа во последните месеци се зголемило семејното насилство во градот, поради што од невладините организации сметаат дека проектот се имплементира во вистински момент и ќе ги даде очекуваните резултати.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk