Проект за штедење на струја и вода во “Вук Караџиќ“

Во првото полугодие половина од обичните се заменети со штедливи светилки, а активностите ќе продолжат во второто полугодие од учебната година.

- Се исклучуваат светилките кога не е потребно, се гасат компјутерите кога ќе завршиме со работа. Се затвараат вратите топлината да не излегува надвор повеќе одошто треба. Прозорците се стари, дотрајани и затоа ги облепивме со траки. Има акција за штедење на вода и се сугерира каде има проблем да се заменат славини, казанчињата да се поправат. Останува уште да се работи на тој план и темпото зависи од финансиските средства и буџетот на училиштето - рече Надица Петровска, директор на ОУ“Вук Караџиќ“.

Процентот на заштеда на електрична енергија и вода е 20 до 30 отсто и целта е учениците да научат да ги ценат ресурсите.