Зачленете се во нашиот клуб на читатели и најновите текстови ќе ги добивате на вашата мејл адреса
Околу 40 отсто од светилките се променети во Куманово и селата, откако приватна фирма започна со одржување на јавното осветлување во градот, велат од Општина Куманово.
„Чешкиот партнер ја почитува динамиката која му е дадена. Поголем број од светилките се заменети, а во наредниот период ќе се продолжи во централното градско подрачје“,- рече градоначалникот Димитриевски.
Тој истакна и дека е задоволен од осовременувањето во осветлувањето и дека интерниот надзор од општината врши мерења, кои покажуваат дека на одредени локации интензитетот на осветлување е подобрен дури и за четири пати.
„До крајот на декември, сметаме дека согласно договорот, партнерот ќе може да го стави целосно во функција новиот систем за улично осветлување и да го преземе одржувањето, согласно договорот“,- изјави Димитриевски.
Договорот за јавно-приватно партнерство беше потпишан на 15 јули годинава, од Општината Куманово и приватниот партнер "ИЦС СИСТЕМИ" од Чешка, подружница Охрид, кој во овој проект ќе инвестира 4,7 милиони денари.
Зачленете се во нашиот клуб на читатели и најновите текстови ќе ги добивате на вашата мејл адреса
