Промоција на книгата „Радио“ од новинарот Љупчо Јолевски

„Радио“ ја чинат повеќе од 730 страници и речиси толку фотографии илустрации. Книгата претставува субјективен избор на авторот од прилозите, односно текстовите пишувани и објавени за Радио Слободна Европа, програма на македонски јазик. Поделена на неколку целини – музика, литература, ликовна уметност, филм, театар, уметничка фотографија, преку информациите, најавите, разговорите, интервјуата, рецензиите, освртите се обидува да понуди негово видување на македонската култура во изминатава половина декада. Од таму на страниците се забележани мислите и ставовите на уметници и творци како Весна Ѓиновска Илкова, Благој Нацовски, Милена Арсовска, Никола Коџабашија, Александар Пејовски, Дарија Андовска, Оливер Белопета, Влатко Стефановски, Љубојна, Сеад Хаџиќ Сецко, Зоран Маџиров, Драган Даутовски, Никола Маџиров, Оливера Ќорвезировска и други.

Промотор на книгата е м-р Ана Франговска. Учесници во програмата на мултимедијалниот настан се: Јордан Костов, музичар,  Дејан Спасовиќ, акад.вајар и музичар и Игор Трпчески, актер и водител. Постер: Страхил М. Петровски и фотографии: Сашо Димоски.

Јолевски е роден 1958 година, како новинар, водител и уредник Љупчо Јолевски во новинарството е скоро четири децении.

Организатор на мултимедијалниот настан е НУ Музеј Куманово, Уметничка галерија, по повод 500 години Куманово.