Зачленете се во нашиот клуб на читатели и најновите текстови ќе ги добивате на вашата мејл адреса
Проект од 500.000 евра ќе се реализира во наредните две години за подобрување на условите за хендикепирани деца во училиштата во североисточниот и бугарскиот пограничен регион.
Проектот “Сите деца учат заедно - прекугранична мрежа за инклузивни училишта“, денеска го презентираше Центарот за развој на североисточен плански регион.
Со овој проект рампи и тоалети за деца со хендикеп ќе добија основните училишта „Толи Зордумис„ и „Бајрам Шабани„ од Куманово, „Дитари„ во Липково, „Кочо Рацин„ во Кратово, „Јоаким Крчовски„ во Крива Паланка, „Христија Тодоровски Карпош„ во Ранковце и „Светозар Марковиќ„ во Старо Нагоричане, како и училишта и општината Дупница, Бугарија.
Ќе отстраниме бариера за децата во колички за да се качат на 1, 2, 3 кат и кои отежнато одат во тоалет. Главна цел е да се подобри инфраструктурата во училиштата. Во сите 6 општини ќе биде опфатено по едно училиште, а во Куманово поради големината ќе бидат две училишта. - изјави Младен Протиќ, раководител на Центар за развој на североисточен плански регион.
Во меѓувреме за наставниците ќе има обуки за тоа како да работат со овие деца по европски стандарди.
Зачленете се во нашиот клуб на читатели и најновите текстови ќе ги добивате на вашата мејл адреса
