Промовирана "Балканвавилонци" од Луан Старова

Овој роман од Утрински весник беше прогласен за  Роман на годината за 2014 година. Старова вели дека делото е во рамки на една поголема сага на која работи со години.

Тој е дел од една поголема балканска книжевна сага која ја пишувам од 90- те години до денес. Досега се објавени 12 романи од оваа сага и таа е во процес на натамошно создавање. Во неа главно третирам едно семејство на Балканот во текот на еден век. Таткото на синот нараторот му кажува за своите 50 години, а тој продолжува со уште 50 години - вели авторот.

Промоторот Владимир Мартиновски рече дека „Балканвавилонци“ е роман енциклопедија.

Срдечно го препорачувам романот на сите кумановски читатели. Тој доби престижна награда. Јас ја имав таа чест да бидам во комисија и навистина романот се издвојува како вонвременско остварување. Тој се надоврзува на 11 други романи - рече промоторот.

Романите на Старова се преведени на повеќе странски јазици. Оваа промоција е во рамки на одбележувањето 70 години работа на библиотеката.