Зачленете се во нашиот клуб на читатели и најновите текстови ќе ги добивате на вашата мејл адреса
Во Градската библиотека “Тане Георгиевски“ денеска беше промовирана книгата за деца “Ојле брада во животинска балада“ од Трајче Кацаров.
Се работи за балада која содржи над 1000 стихови и ги едуцира децата како да се однесуваат со животните.
“Стиховите се најподатливи за брза комуникација со децата, тие се ритмички подредени, имаат рима во себе. Се работи за многу специфична, еколошка приказна, за она што се помалку го има, за тоа каков однос треба да имаат децата со животните. Како да гледаме на нив, а што тие треба да очекуваат од нас. Преку басни децата ја сфаќаат природата како некое царство“ - изјави авторот.
Литературниот критичар и промотор Марина Мијаковска вели дека “Ојле брада во животинска балада“ носи силна порака за малите, возрасните и за животот.
“Темата се однесува за една егзистенцијална човекова дилема. За тоа дали во суштина луѓето се добри или лоши. Преку ликот на детенцето Ојле се дава порака која е доста силна и се однесува на тоа дека луѓето не треба да прават лоши дела, треба да ги сакаат животните и да живеат со нив. Да се грижат за нив и да престане уништувањето, односно искористувањето на животните“ - рече Мијаковска.
Таа вели дека ретко се среќаваат ваков тип на книги во Македонија и воопшто недостигаат книги за деца.
Зачленете се во нашиот клуб на читатели и најновите текстови ќе ги добивате на вашата мејл адреса
