Промовирани два проекти за рурален развој

Преку првиот проект ќе се работи на платформа за регионална рурална акција во североисточниот плански регион, а вториот е проект за воспоставување на нови бизниси во мултиетнички средини и мали бизниси во рурални средини.

Ние ќе со обидеме да направиме низа проекти кои се од големо значење на руралната средина, како што е нашиот локалитет Бислим, а ќе има други идеи за Кратово, Крива Паланка, Ранковце, Старо Нагоричане и Липково.  Ќе се трудиме сите да ги издигнеме на едно повисико ниво, да ги направиме да имаат регионално значење, и да се надеваме дека по завршувањето на овој проект за 9 месеци ќе имаме голем дел на проектни идеи со кои ќе можеме да аплицираме и да ги реализираме„- вели Младен Протиќ, директор на Центарот за развојот на северо-источниот плански регион.

Целта на Платформата е континуирано да идентификува, координира и да нуди решенија за економските проблеми во руралните подрачја на северо-источниот регион и да развива одржлив систем меѓу јавниот, невладиниот и приватниот сектор.Проектот е подржан од Министерството за локална самоуправа и  и УНДП.

Вториот проект се однесува за нови бизниси на двата рурални мултиетнички региони, полошкиот и североисточниот. Проектот е двегодишен и треба да пружи поддршка на бизниси кои се сопственост на млади луѓе и жени од руралните средини за отпочнување на бизниси, како и помош со советодавни услуги, маркетинг на производите и услугите, промоција и продажба на пазарот.

И двата проекти се многу значајни на нашиот регион, бидејќи ние сме еден од најнеразвиените региони во државата и 85 проценти од населените места се рурални. Оваа платформа дава шанса за потикнување на економскиот развој, а вториот проект кој е финсиран од Владата на Велика Британија се однесува на отпочнување на бизнис на маргинализираните групи, тоа се младите и жените. Се работи за мали бизниси, кои ќе ја поправат економнската состојба во семејствата и општеството, - изјави претседателот на североисточниот регион, градоначалникот на Куманово Зоран Дамјановски.

На промоцијата на проектите присуствуваше и министерот за локална самоуправа Лирим Шабани.

Главна цел на бизнис канцеларијата е вмрежување на сите субјекти во состав на самата општина, било да се тоа невладини организации и други субјекти, да обезбедиме размена на информации и да обезбедиме информации за евентуалните или потенцијални инвеститори надвор од земјата.Тоа ќе биде посебна канцеларија, но во исто време ќе биде продолжена рака на Центарот за развој на североисточниот регион, - изјави министерот Шабани.

 Претставница на УНДП и амбасадорот на Велика Британија Чарлс Гарет, присуствуваа на промоција и даваат подршка на проектите.