Зачленете се во нашиот клуб на читатели и најновите текстови ќе ги добивате на вашата мејл адреса
Во текот на 2022 година кумановските пожарникари имале вкупно 359 интервенции, што е за околу 35% помалку во однос на претходната 2021, кога се регистрирани дури 549 противпожарни акции.
Од Противпожарната единица во Куманово велат дека големата бројка на опожарувања се должи главно на бројните шумски пожари. Тие најчесто се случуваат во текот на летните месеци, кога имаат и по повеќе интервенции дневно и тоа, пред се, на отворен простор.
„Најмногу бевме ангажирани на гаснење на пожари на отворено и тоа во 141 случај, имавме интервенција на 90 пожари на објекти, 30 во сообраќајни несреќи и како останато се води 81 случај. Во вкупната бројка се впишуваат и 16 технички интервенции и една асистенција на пожар на повик на колегите од Тетово“, изјави вели Деан Илиевски, командир на ТППЕ Куманово.
Но, пожарникарите имаат работа и во текот на зимскиот период, па така од почетокот на годината регистрирани се дваесетина интервенции.
Противпожарната единица Куманово ја покрива и Општина Липково, а по потреба помага и во општината Старо Нагоричане, која има своја противпожарна служба.