Зачленете се во нашиот клуб на читатели и најновите текстови ќе ги добивате на вашата мејл адреса
Реновираните простории на вакциналниот пункт за деца во Здравствен дом и просториите на Брза помош во Куманово денеска беа пуштени во употреба. На свеченоста присуствуваше министерот за здравство Фатмир Меџити.
„Извршена е замена на прозорци, монтажа на централно греење, опремени се со нов мебел Брзата Помош и Детскиот оддел, ноќната стоматолошката амбуланта има нови работни столови. Заменети се покривите на амбулантата ,,Тоде Мендол". Здравствениот дом Куманово доби и нови апарати за ЕКГ, аудиометар и апарат за офталмолошки скрининг, наменет за кандидати за возачки дозволи, вработувања, едукација и систематски прегледи. Драго ми е што сега во Куманово здравствените работници ќе имаат подобри услови работа, а пациентите, освен врвна медицинска услуга ќе имаат чувство за достоинство и удобност“, истакна министерот Меџити, кој единствен зборуваше и на македонски јазик.
Директорот на Фарук Алили кажа дека реконструкцијата траела една година, а инвестицијата е над 11,3 милиони денари, сопствени средства на Здравствен дом Куманово.
На свеченоста дојдоа функцинерите на ДУИ Али Ахмети, Артан Груби, Арбер Адеми, кои се обратија на присутните гости, вработените и граѓаните, без превод на македонски.
Зачленете се во нашиот клуб на читатели и најновите текстови ќе ги добивате на вашата мејл адреса
