Распишан оглас за избор на заменик - народен правобранител во Куманово

Станува збор за оглас за утврдување предлози за избор на заменици за овие подрачја, при што кандидатите треба да имаат завршено високо образование од областа на правото и најмалку седум години работно искуство во оваа сфера или во областа на заштита и промоција на човековите права.

Огласот е објавен во печатеното издание на весникот Нова Македонија на 25 март и ќе трае 10 дена. Според објавеното, тројца заменици се потребни за канцеларијата во Скопје, додека останатите пет ќе бидат распределени во канцелариите во Струмица, Штип, Битола, Куманово и Тетово. На сите досегашни носители на овие функции им е истечен мандатот, а единствено заменик-народен правобранител во моментов има на подрачјето на Кичево.

Во Куманово заменик-народен правобранител нема околу 5 години, откако во 2021 година му заврши мандатот на Насер Весели.

Во случај да не бидат избрани заменици, со оглед на тоа што е потребно Бадентерово мнозинство од пратениците во Собранието, функцијата може да ја извршуваат и државни советници со овластувања од Народниот правобранител Сељами.