Зачленете се во нашиот клуб на читатели и најновите текстови ќе ги добивате на вашата мејл адреса
Угостителскиот објект во рекреативниот центар Пелинце со кој управува “Куманово - паркинг“ работи непрофитабилно, сметаат советниците од опозицијата, кои се противат локалната самоуправа да го субвенционира неговото работење.
Независниот советник Зоран Петрушевски за големите загуби во работењето ја обвинува локалната власт, која непотребно троши народни пари.
Фрлате дрвја и камења по ресторанот во Пелинце за да на крај се донесе одлука Општината да го субвенционира неговото работење. Во 60 отсто од случаите, корисник на услугите во ресторанот е Општината за разни собири и настани. Во изборната кампања објектот ќе биде во функција, а вие сега барате решение. Како тоа приватник ќе може да го изменаџира работењето, а вие не можете? - праша Петрушевски.
Директорот на “Куманово - паркинг“ Трајко Трајковски, објасни дека за општинската администрација и за учесници на други спортски настани цените на услугите се за третина поевтини.
Во услови на светска криза кога нема обрт на пари, ние не можеме да оствариме профит, а мораме да обезбедиме вработени за работа во две смени. Треба да се оддржуваат тие простории - изјави Трајковски.
Советниците ја усвоија програмата за работа на ЈП“Куманово - паркинг“ за годинава исто и извештајот за период од јули до септември лани.
Зачленете се во нашиот клуб на читатели и најновите текстови ќе ги добивате на вашата мејл адреса
