Ромите напредувале во вработувањата и образованието

Лидерот на партијата, Шабан Салиу рече дека од 2006 година па наваму е направено многу за вработување на Ромите во државните институции, што претходно не било случај. Тој вели дека Ромите се лојални граѓани во земјава и како такви бараат реципроцитет од државата.

Можеше да се сретне некаде одредени вработувања како чистачка или чувар. Кога денеска ќе погледаме каква е состојбата во поглед на вработувањето на Ромите во Република Македонија, не би сакал да создавам лажна илузија, да кажам дека сите проблеми се решени, меѓутоа со одговорност и со сигурност можам да потврдам дека е изменета сликата. Имаме и по вертикално и хоризонтално ниво во целата државна администрација и во одредени министерства повеќе вработувања - изјави Салиу.

Декадата на Ромите траеше од 2005 до 2015 година и Салиу вели дека не е исполнето целосно зацртаното, а тоа е покрај вработување и образование, да се подобри здравствената заштита и домувањето.

Претседателот на општинската организација на Демократски сили на Ромите во Куманово, Серџан Сулејмановски кажа дека трибината „Декада на Ромите ден потоа“  е тема на која има многу да се зборува.

На трибината ќе има и прашања. Кој што сака може да праша, од аспект на интерес на ромската заедница во нашиот град и Република Македонија - рече тој.

На трибината беше кажано дека за разлика од порано кога бројот на образовани Роми беше мал, сега ромската популација се повеќе се запишува на студии и ги зголемува своите квалификации.