Зачленете се во нашиот клуб на читатели и најновите текстови ќе ги добивате на вашата мејл адреса
До крајот на годината во Куманово ќе биде отворена „Роса школа за родителство“, во која младите родители ќе можат да побарат стручни совети од стручни лица за грижата на новороденчињата.
„Во овие школи за родителство, младите родители со помош на искусни педијатри и медицински сестри, учат како да се постапуваат со бебето. Ги учат основните постапки околу повивањето, водењето нега, хигиена и грижа, како и значењето и важноста на медицинските постапки како редовните прегледи и вакцинацијата“,- беше речено на промоцијата на проектот во Скопје.
Просториите за „Роса школите“, се комплетно реновирани до средства обезбедени од продажба на производите на компаниите Пивара Скопје и Coca-Cola.
Министерството за здравство одредува во кои здравствени домови има најголема потреба од вакви центри и обезбедува стручен тим кој ќе ги спроведува овие обуки.
Освен во Куманово „Роса школи“ ќе бидат отворени и во Струмица и Охрид, кои се продолжение на проектот што Пивара Скопје и Министерството за здравство го започна минатата година, кога вакви школи беа отворени во: Скопје, Битола и Гостивар.
(Фото.Coca-Cola)