Салата во комитет готова за празникот на градот

Таа ќе биде готова за празникот на градот, информираат од Центарот за развој на североисточниот плански регион. Салата се реновира со 2 милиони денари обезбедени од програмата за регионален развој на  Министерството за локална самоуправа, односно Бирото за регионален развој, а општината учествува со 347.000 денари.

Ние веќе сме сигурни дека ќе биде подготвена за 11 Ноември. Последните неколку дена во две смени се работи. Реновирана е комплет салата со тоа што тапацирани се 312 седишта, променети се ѕидовите, ќе се смени озвучувањето, сменет е подот и се надеваме дека на 11 Ноември сè ќе биде како што треба - вели Младен Протиќ, раководител на Центар за развој на североисточниот плански регион.

Салата е изградена пред 1970 година и оттогаш не е реновирана.