СДСМ го прослави Архангел Михаил

Петта година по ред се организира ваква заедничка прослава. Со желби за среќа, успех, бериќет сопартијците си го честитаа празникот и велат дека оваа традиција ќе продолжи и во иднина.

“На иницијатива на граѓани од месна заедница Тоде Мендол,  решивме оваа слава да ја славиме бидејќи е една од поголемите слави. Од целиот град има присутни гости. Сега се падна мрсна славата, лани беше посна- изјави Горан Насковски од организациониот одбор.

Кумот Дамјан Ефремовски рече дека со кршење на лепче со паричка се одредува кој ќе биде кум на славата за следната година.

“Наша обврска е да се обезбеди се за луѓето, да се поделат покани, да се повикаат луѓето“- рече Ефремовски.

За следната година кум ќе биде претседателот на Советот на општина Куманово, Максим Димитриевски. На прославата присуствуваа градоначалникот Зоран Дамјановски и министерот за внатрешни работи, Оливер Спасовски.