Зачленете се во нашиот клуб на читатели и најновите текстови ќе ги добивате на вашата мејл адреса
Екипите на ЈП „Чистота и зеленило“ од Куманово, интензивно работат на дезинфекција на јавните површини во градот, каде фреквенцијата на луѓе е поголема и постои опасност од пренесување на корона вирусот.
Досега извршена е дезинфекција на двата плоштади, занаетчискиот дом, училишта, урбана опрема, автобуските постројки, детски катчиња, тениски игралишта, катна гаража и улиците тротоари во централното градско подрачје.
- Паралелно продолжува и процесот на перење на улиците и дезинфекција со посебно средство на целокупната урбана опрема: садови за смет, мали канти, корпи за отпадоци, клупи, постројки и заштитни столчиња на коишто исто така се пренесува вирусот. Се претпоставува дека вирусот се пренесува и преку асфалтот, затоа оваа акција интензино ќе трае во наредните денови,- вели Даниел Стојчевски, директорот на ЈП „Чистота и зеленило“ во Куманово.
Од денеска започнаa истите активности и во приградските населби и селата во Куманово.
Општинскиот кризен штаб, побара од управителите на станбените објекти да извршат дезинфекција на влезовите, заедничките простории, лифтовите на сите станбени згради во Општината.