06. 04. 2020 15:16

Се намалуваат цените на горивата од полноќ

Се намалуваат цените на горивата од полноќ

Бензините поевтинуваат за половина, дизелот за еден денар. Регулаторната комисија за енергетика одлучи да ги намали цените на нафтените деривати и со новите измени се предвидува поевтинување и на дизелот и на бензините.

Од вечерва на полноќ малопродажната цена на бензините Еуросупер БС-95 и Еуросупер БС-98 се намалува за 0,50 денари за литар и ќе изнесува 48 и 50 денари за еден литар.

Малопродажната цена на Еуродизел (Д-Е V) се намалува за 1 денар за литар и ќе изнесува 45 денари.

Намалување има и кај малопродажната цена на Екстра лесното масло за домаќинство (ЕЛ-1) за 1,50 денари/литар и ќе изнесува 33,50 ден/лит.

Малопродажната цена на мазутот М-1 НС се намалува за 0,921 ден/кг и ќе изнесува 17,970 ден/кг.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk