Се шири гасоводната мрежа кон Градската болница и Зелен рид

Како што информираат од јавното претпријатие, во следниот период главен акцент ќе биде ставен на гасификација на стамбените згради во населбата Зелен рид, поточно на улицата „Васко Карангелевски“, во должна од околу 1 км, а исто така во должина од 1 км ќе се пристапи и кон ширење на дистрибутивната гасоводна мрежа во правец на Општата болница.

„Во следниот период се планира гасоводната мрежа да биде проширена за 2 километри, акцентот ќе биде ставен на Општата Градска Болница, се надевам дека оваа година ќе биде завршена. Од наша страна обврската којашто треба да ја исполниме од создавање на технички услови ќе биде завршена и  понатаму обврската останува на Министерството за здравство да издвои средства истиот објект да биде приклучен. Во изминатите два месеци во должина од 500 метри е проширена дистрибутивната мрежа и на улиците „Димитар Влахов“ и „Ива Лола Рибар“ “, вели Никола Денковски, директорот на ЈП „Куманово-гас“.

Тој апелира до граѓаните коишто се заинтересирани за приклучување кон мрежата, да отидат во нивните простории каде што ќе им се дадат комплетни информации.

Централното градско подрачје на Куманово претежно е гасифицирано, со приклучоци на околу 40 улици.

(фото архива)