Зачленете се во нашиот клуб на читатели и најновите текстови ќе ги добивате на вашата мејл адреса
Градежен шут, цигли, земја и бетонски плочи е само дел од отпадот што граѓаните го фрлаат во близина на м.в. Живкова карпа, над населбата Проевце.
Граѓани коишто ни ги испратија фотографиите бараат надлежните да го спречат создавањето на уште една дива депонија во околината на Куманово.
- Сакам да види кумановската јавност што се случува на периферијата на градот. Оваа локација е на Живкова карпа, каде што се наоѓа репетиторот. Секојдневно со камиони и приколки по патот покрај воените магацини се носи сметот. Мислам дека на репетиторот има камери и ги упатувам надлежните да видат кој ја создава депонијата, - вели М.Б.
Во Куманово редовна практика е да се создаваат диви депонии на секоја слободна површина. Неодамна граѓани апелираа дека сопственици на мото култуватори исфрлаат ѓубре во населбата „Перо Чичо“. Дивата депонија на влезот од оваа населба досега е многупати чистена, но безуспешно. Овие случаи само ја потврдуваат негрижата на граѓаните за животната средина и хигиената во градот, а сите се согласни дека ќе се реши само доколку дебело се казнат оние коишто го прекршуваат законот.