Синдикалците на Првомајски марш за солидарност во Скопје

Целта на маршот е да испратат порака дека треба да се почитуваат колективните договори и сите работодавачи да ги потпишат, со што работниците ќе имаат поголеми права, сигурни работни места, вработување на неопределено време и слично.

Има голема разлика. При потпишување на договор за работа на определено време, работодавачот може по истекот на договорот на работникот да му каже дека му престанува работниот однос, а со потпишување на договор на неопределено време е сосема друга постапка и не може туку така работникот да биде отпуштен од работа - вели Миле Спасовски, секретар во Регионален синдикат Куманово.

Во фаза е информирањето на членовите на синдикатот, дека можат да се приклучат на маршот во Скопје. Спасовски на сите работници им го честита 1 мај - Меѓународниот ден на трудот.