×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Сопатниците на заболената од корона вирус се од Скопје и Струмица

    26.02.2020 21:35 | KumanovoNews

    Министерот  Венко Филипче информираше дека сите останати 8 патници и шоферот на возилото се идентификувани и со нив е стапено во контакт. Четворица од патниците се од Скопје, а другите четворица од Струмица. Со нив вечерва ќе постапи епидемиолошки тим од Центрите за јавно здравје од двата града за да се утврди нивната состојба и ќе бидат советувани, а ќе им се пружи и прва терапија доколку за тоа има потреба.

    Сопатниците на заболената од корона вирус се од Скопје и Струмица

    Пациентката кај која е констатиран првиот случај на заразеност со вирусот „Ковид 19“, или корона вирусот, е во добра општа здравствена состојба, под постојан мониторинг на стручниот лекарски персонал на Инфективната клиника во Скопје, и со оглед на нејзината претходна здравствена историја, спаѓа во пациентите кои успешно се справиле со вирусот.

    Лицата што биле во возилото, што биле во контакт со жената кај која е констатиран вирусот, како и сите останати со кои подоцна стапиле во контакт ќе бидат во домашна изолација и под безбедносен надзор.

    Доколку и кај некои од овие лица наодите и мониторингот покажат потврдени симптоми на корона вирусот, во текот на утрешниот ден ќе бидат префрлени на некои од инфективните одделенија во болниците во Штип, Велес или Гостивар, како институции кои претходно беа утврдени како места за изолација за пациентите кај кои со сигурност е утврден вирусот.

    Министерот Филипче и на оваа прес-конференција апелираше дека нема потреба од загриженост, и дека системот за следење и прифаќање на сите сомнителни случаи е во добра функција. Согласно сите медицински протоколи, сите надлежни институции се во целосна подготвеност за соодветна реакција според пропишаните протоколи од Светската здравствена организација.

    Тој упати уште еден апел до сите компании и институции во кои има вработени кои во изминатиот период патувале во Италија, да бидат ослободени од работните обврски и да бидат во домашна изолација до 14 дена.