Создаваме стандарди кои ќе изградат поправедно општество, кажа Дарко Ристовски од СДСМ

„Стандардите ќе бидат со со цел да се воспостави контрола и ред во давање на услугите кон граѓаните и транспарентно работење на сите функционери и државни институции. Планот по кој ќе се водиме го нарековме - Акција 21 - План за борба против корупција, кој опфаќа повеќе квалитативни мерки меѓу кои би ги издвоил: дигитализација на матичните книги и издавање на електронски изводи од матичните книги, усогласување на законодавството во областа на дигитализацијата како механизам за борба против корупција, воспоставување на електронски систем за инспекција „Е-инспектор“ и стратегија за јакнење на капацитетите за водење финансиски истраги и конфискација на имот 2021-2023 и формирање на Национална комисија за следење на акцискиот план на стратегијата, измена на законот за спречување на корупцијата и судирот на интереси, изготвување на измени и дополнување на законот за користење и располагање со стварите во државна сопственост и со стварите во општинска сопственост, план за изменување и дополнување на Прописите поврзани со работата на административните службеници и вработените во јавниот сектор, создавање на Централна база за издавање на лиценци и дозволи и усвојување на нов и порименлив кодекс на Етичко однесување на административни службеници“, - додаде Ристовски.

Овие мерки и одлуки кои ќе се спроведат во следниов период ќе овозможат граѓаните да се чувствуваат посигурно, а институциите и функционерите да работат одговорно. Влада предводена од СДСМ работи посветено и одговорно слушајќи го гласот на граѓаните и преку овие мерки се обидуваме да излеземе во пресрет на граѓаните, се со цел да создадеме општество кое ќе биде функционално и општество во кое сите постапки ќе се одвиваат на јавен и транспарентен начин.

(С.Н.)