Зачленете се во нашиот клуб на читатели и најновите текстови ќе ги добивате на вашата мејл адреса
Шпанскиот Сенат го ратификуваше Протоколот за членство на Мaкедонија во НАТО. Сите 29 земји членки на НАТО формално ја прифатија Република Северна Македонија за 30-та земја членка.
Сенатот на Кралството Шпанија, само заради оваа причина за првпат во својата историја гласаше по електронски пат со видео конференција и денеска го ратификуваше Протоколот за пристапување на Северна Македонија во НАТО.
Како што нагласи министерот за надворешни работи, Никола Димитров, на денешна прес-конференциј, ова за Македонија ќе значи поголема регионална безбедност, поголема стабилност а со тоа и појака транс-атланска врска.
- Сега ратификацијата ќе се испрати до Стејт Департментот, од каде ќе се достави известување до НАТО во Брисел. Потоа ние ќе го депонираме нашиот Закон за членство во НАТО што беше ратификуван пред распуштање на Собранието. Членството во НАТО е потврда дека Македонија е на вистинскиот пат и е инвестиција во идните генерации,- рече Димитров.
Ратификувањето на Протоколот за членство на Македонија во НАТО беше проследно и од страна на амбасадорот на Шпанија Емилио Лоренцо Сера.