Спасовски: Ќе се зајакне полициската контрола кај Центарот за зависности

Со началникот на СВР Куманово, отворивме неколку теми, а ќе ја издвојам безбедноста на основното училиште Кочо Рацин од корисниците на Центарот за зависности. Ќе превземеме сериозни мерки за заштита на ова училиште и притоа најавив дека ќе побарам од Владата да се разгледаат можностите за дислокалција на овој центар. Тоа е еден од клучните проблеми, превентивната контрола која што ќе значи сигурност и безбедност на граѓаните на општина Куманово, обврска која што мора да ја имаме во СВР. На тоа е посебно укажано за да можеме да ги превенираме евентуалните можни настани и евентуални последици. Во овој момент мислам дека состојбата е стабилна, безбедна, граѓаните треба да бидат спокојни -изјави министерот Спасовски.

 Министерот Спасовски покрај вработените во Секторот за внатрешни работи Куманово, ги посети и граничниот премин Табановце и Прифатниот центар за мигранти на железничката станица Табановце. При тоа било разговарано за безбедносната состојба во градот и за проблемите со кои се соочува Кумановската полиција.