Зачленете се во нашиот клуб на читатели и најновите текстови ќе ги добивате на вашата мејл адреса
Четворица кумановци ќе се најдат на кандидатската листа на СДСМ во втората изборна единица.
Носител на листата ќе бидат Оливер Спасовски премиер на техничката Влада, на петто место е претседателот на општинската организација на СДСМ Куманово, Мартин Костовски, на 12 место досегашната пратеничка Лидија Тасевска и на 16 место е Драгана Коцевска.
На кандидатската листа во двојка се и: директорката на УЈП Сања Лукаревска, пратеникот Мухамед Зекири, Даниела Марковска, Љатифе Шикоска, Славјанска Петровска, Марија Стрезовска- Матевска, Ферат Асани, Санела Шкријељ, Абдула Маровци, Иван Марковиќ Старо Нагоричане, Ленче Радосављевиќ, Јована Стојчевска.
На листата за кандидати за пратеници оставени се места за коалиционите партнери.
Социјалдемократскиот сојуз вечерва во скопскиот хотел „Александар Палас“ го одржува 24. Конгрес и ги утврдува кандидатските листи за престојните парламентарни избори што ќе се одржат на 12 април.