Зачленете се во нашиот клуб на читатели и најновите текстови ќе ги добивате на вашата мејл адреса
Социјалистичката партија на Македонија (СПМ) организира научна трибина „Животот и делото на Гоце Делчев во колективната меморија на македонскиот народ“, на 3. февруари во партиските простории во Скопје.
- Oпштинската организација на СПМ Куманово ги информира своите членови и симпатизери како и граѓаните на Куманово дека на ден 03.02.2020 во седиштето на Социјалистичка партија на Македонија во Скопје со почеток од 11 часот во големата сала ќе се одржи научна трибина за живот и делото на Гоце Делчев во колективната меморија на македонскиот народ. Затоа ги повикувам членовите и симпатизерите на партијата, како и граѓаните на Куманово да дојдат и да присуствуваат на оваа исклучително квалитетна трибина, - изјави Жарко Милошевски, претседател на општинската организација на СПМ Куманово.
Со своите трудови пред присутните ќе се обратат најеминентните професори - историчари: Михајло Миновски, Наташа Котлар Трајкова, Тодор Чепреганов, Никола Жежов, Иванка Василевска, Новица Велјановски, Ѓорѓи Малковски, Виолета Ачковска, Стефан Влахов Мицов и Бранимир Светозаревиќ,
Трибината се организира по повод 4 февруари - роденденот на македонскиот револуционер Гоце Делчев, кој е роден е во Кукуш, на 4 февруари 1872 година, а загинал во селото Баница, 4 мај 1903 година.