Зачленете се во нашиот клуб на читатели и најновите текстови ќе ги добивате на вашата мејл адреса
Претседателот на Општинскиот сојуз на спортови, Сашо Петрушевски денеска на прес-конференција побара во Спортската сала во Куманово да се обезбеди нормално напојување со електрична енергија за да не трпи спортот во градот.
Тој не кажа колкав е долгот кон ЕВН Македонија, но смета дека со помош на надлежните институции проблемот може да се реши.
На прагот е натпреварувачката сезона во сите спортови во Куманово, и ако за десетина дена не се разреши овој проблем, спортот во Куманово и сите овие луѓе спортисти, а и сите млади луѓе во Куманово ќе изгубат многу. Општинскиот сојуз на спортови се обрати до сите релевантни структури во Република Македонија. Значи пративме писмо до ЕВН, до Влада на РМ, ја вклучивме и општината и градоначалникот на општина Куманово, се со една цел да се разреши проблемот со напојување со електрична енергија, како спортот во градот би можел да продолжи - изјави Петрушевски.
Петрушевски кажа дека Спортската сала неколку месеци е без напојување со електрична енергија, но смета дека ако постои волја без разлика колку изнесува долгот, проблемот ќе се реши.
Зачленете се во нашиот клуб на читатели и најновите текстови ќе ги добивате на вашата мејл адреса
