„Срма“ со Велигденски концерт во Куманово

Детскиот младински ансамбал “Срма“ во сабота во 19 часот, на платото пред Центарот за култура “Трајко Прокопиев“ ќе одржи Велигденски концерт.

Пред кумановци “Срма“ ќе се претстави со игри и песни од кумановско и од Македонија.

“Ова го правиме во соработка со Центарот за култура за граѓаните на Куманово. Програмата ќе трае еден час. Ќе се претстават нашите членови, од пионери па се до младинци“-кажа Марјан Бошковски, кореограф во “Срма“.

Се планира овој Велигденски концерт во иднина да биде традиционален.