×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Српскиот и ромскиот, официјални јазици во Советот

    04.05.2010 15:21 | KumanovoNews

     Српскиот и ромскиот јазик од денеска официјално ќе се користат во Советот на Општината Куманово. Одлуката беше донесена на денешната седница со подршка на 31 советник од македонските и албанските партии, освен советникот на ДПА.

    Српскиот и ромскиот, официјални јазици во Советот

     Предлогот помина и по Бандентеровиот принцип со гласовите на советниците од ДУИ и Нова Демократија. Иницијативата за воведување на јазиците на помалите етнички заедници во службена употреба во Советот ја поднесе советникот на Српската напредна странка, а го подржаа  советниците на ДПСМ и СДСМ.

    Одлуката за воведување на српскиот јазик е историска и значајна за Србите од аспект на зачувување на идентитетот на српскиот народ кој живее во Куманово.Знаеме дека без јазикот нема идентитет, а од поширок аспект ова е потврда дека Куманово има непоколеблива европска и мултиетничка ориентација. Огромното мнозинство на советници јасно го изрази својот став да се сочуваат карактеристики на градот со кој се потврдува дека е лидер во Македонија и пошироко во регионот- вели Ѓорѓе Полиќ од СНС.    

     Советниците на ДПСМ Горан Стојковиќ и Емилија Томиќ, и на СДСМ Александар Арсиќ и Екрем Казимовски не го кријат своето задоволство од одлуката, и сметаат дека во Советот победил разумот и демократијата, а не политиката, со што се потврдил мултиетничкиот карактер и политичката зрелост во Општината.

     Ова што денеска се случи многу значи за граѓаните од ромската заедница, ова е историски момент, бидејќи ни се дава можност да бидеме рамноправно во Советот и да зборуваме на својот мајчин јазик- вели Казимовски.

     Пред донесување на одлуката неколку дена траеа преговорите на партиите во усогласување на ставовите на коалиционите партнери.

    Советот уште еднаш докажа дека има потенцијал и капацитет да се надминат сите предрасуди и да надвладее толеранцијата и сите граѓани да се чувствуваат рамноправни во средината каде што живеат без разлика во колкав број се- рече Фериз Дервиши од НД.

    Ова е прв случај во државата, српскиот и ромскиот јазик се стават во службена употреба во Советот и локалната самоуправа и покрај тоа што имаат помалку од 20 насто од вкупниот број на население во Општината. Во Советот покрај македонскиот  во официјална употреба се користи и албанскиот јазик.