Старите бесплатни учебници ќе се заменат со нови

За оваа намена ќе бидат потрошени седум милиони евра, потврдуваат од Владата. Ќе бидат испечатени нови учебници од прво до деветто одделение во основното образование и од прва до четврта година за средно образование.

Лани биле заменети учебниците по Кембриџ системот за математика и природни науки за прво, второ и трето одделение. Годинава ќе бидат сменети за четврто, петто и шесто одделение, а наредната година  за седмо, осмо и деветто одделение.