Зачленете се во нашиот клуб на читатели и најновите текстови ќе ги добивате на вашата мејл адреса
Освен мојата согласност со соопштението на Лекарската комора, кое најостро го осудува убиството на лекарот со тоа што не треба да се толерира ниту еден вид насилство во општеството, бидејќи насилството не е соодветен начин за решавање на проблемите и дека овој случај со убиството на колегата лекар треба што поскоро да се расветли, oвој трагичен случај, покрај болката за загубата на колегата, предизвика и паника кај белите мантили.
Ова, згора на тоа го вклучи алармот дека треба повеќе да се направи за да се заштити животот на лекаритe. Со оглед на тоа што ваквите тажни сцени се повторуваат кај лекарите, бидејќи вакви случаи имало и во секундарната и терциерната медицина, државата има законска обврска да преземе мерки за строго санкционирање на сторителите.
Истовремено, мислам дека треба да се размислува за некои активности кои би овозможиле поголема сигурност за лекарите:
Институциите треба да донесат закон за доктори - за да и докторите во вршењето на докторската функција да имаат имунитет. Потоа да изработат и имплементираат протоколи за безбедност кои ќе ги дефинираат постапките за постапување во случај на насилство или агресија. Овие протоколи треба да бидат добро комуницирани и редовно ажурирани.
· Институциите треба да ги преиспитаат и подобрат мерките за физичка сигурност на работното место за да ги заштитат лекарите. Ова може да вклучува инсталирање на сигурносни камери, контрола на пристапот и обезбедување на сигурни простории за работа.
· Институциите треба да имаат на располагање сигурносни служби кои ќе ги надгледуваат и реагираат на потенцијални случаи на насилство или агресија. Овие служби треба да бидат достапни 24/7 и да бидат во состојба да реагираат брзо и ефикасно.
· Институциите треба да имплементираат системи за пријавување на инциденти на насилство или агресија и да ги следат случаите за да се обезбеди адекватна реакција и превенција во иднина.
· Институциите треба да ја подобрат комуникацијата со пациентите и да ги образуваат за односот со здравствените работници. Ова може да помогне во намалување на конфликтите и случаите на насилство.
· Институциите треба активно да го промовираат развивањето на култура на безбедност на работното место, во која сите вработени се ангажираат за да ги заштитат едни други од насилство и агресија.
· Институциите треба да обезбедат ресурси и материјали за образование и свесност за лекарите, што ќе ги оснастат со знаења и вештини за спречување и справување со насилство.
Исто така, мислам дека институциите треба да финансираат и поддржуваат истражувања и анализи за да се разбере природата на насилството во здравствените установи и да се развијат ефикасни мерки за превенција и интервенција.
Пишува: Д-р Фатмир Асани
Зачленете се во нашиот клуб на читатели и најновите текстови ќе ги добивате на вашата мејл адреса
