Стечајците бараат вработување

Претседателката на УНИТ, Лилјана Георгиевска вели дека ако ова барање се реализира, во меѓувреме постепено стечајците може да се вработуваат. Георгиевска бара власта да престане да ја манипулира оваа категорија на граѓани, бидејќи и онака се на работ на егзистенција.

“Етапно нека не вработуваат како знаат и умеат. Знаеме колку има фирми во Куманово и Македонија и знаеме дека тоа ќе биде еден забавен процес, и дали ќе ги опфати сите е прашање. Со полно право бараме да не обештетат, со 6000 денари, со тоа што и тие ќе имаат право да бараат работа за нас и да вработуваат. Знаеме дека оваа категорија на бивши работници е најзагрозена во Република Македонија. Со години сме без денар, и ако сакаше премиерот да го реши овој проблем имаше 8-9 години. Не подлегнуваме на манипулации, туку ја продолжуваме нашата борба за нашите права“-изјави Георгиевска.

Тројца членови од УНИТ беа примени кај директорот, кој им ветил дека штом ќе ги добие пакет мерките за вработување од Владата, ќе видат дали истите одговараат за вработување на стечајците.

По Велигден од УНИТ ќе потпишуваат петиција за исполнување на нивните барања, ќе протестираат во Скопје пред ресорните министерства и Владата.

Денеска протести пред Центрите за вработување има во повеќе градови во Македонија.