Зачленете се во нашиот клуб на читатели и најновите текстови ќе ги добивате на вашата мејл адреса
Неколку стечајни работници, членови на управниот одбор на Здружението „УНИТ„ ја обвинуваат Љиљана Георгиевска дека е самопрогласен лидер на стечајците.
Тие тврдат дека тие се единствени легитимни претставници на Здружението и не се под политичко влијание на ниту една политичка партија за разлика од нивните опоненти кои преку маките на работниците ги реализираат своите политички амбиции.
Еднаш за секогаш треба да се разобличи политичкиот интерес претставуван од СДСМ, кој стои зад оваа жена, а таа мотивирана од финансиска корист настојува да ја покаже својата слепа послушност кон својот политички ментор. Како единствени и легитимни претставници на стечајците од Куманово и пошироко, чии фирми беа затворени и криминално приватизирани во времето на Црвенковски и Георгиевски, ние се оградуваме и несакаме да бидеме политички инструмент во рацете на кој било партија-велат стечајците.
Сметаат дека е неприфатливо да се бараат правата на стечајците на начин на кој тоа го прави групата предводена од Георгиевска, туку со преговори во рамките на институциите на системот. Затоа поднеле барање до Владата од каде очекуваат да започнат преговори за решавање на нивниот статус, согласно законските и финасиските можности на државата.
Зачленете се во нашиот клуб на читатели и најновите текстови ќе ги добивате на вашата мејл адреса
